Azərbaycan dünyada idman ölkəsi kimi tanınır

Baş səhifə

Bu gün Azərbaycan dünyanın istər siyasi, istərsə də iqtisadi  sistemində özünəməxsus yeri ilə seçilir, ölkəmizlə hesablaşır, hörmət və ehtiramla yanaşırlar. Azərbaycan bu naliyyəti güclü liderin –Prezident İlham Əliyevin qətiyyəti sayəsində əldə edib. Başqa fəaliyyət sahələrində olduğu kimi, Azərbaycan idmanda da böyük uğurlar qazanıb, sürəti inkişaf dövrünü yaşayır.

Prezident İlham Əliyevin rəhbərliyi ilə Azərbaycanda idmanın inkişafı istiqamətində ciddi tədbirlər həyata keçirilir, bu sahə dövlət siyasətinin pioritetləri sırasında mühüm yerlərdən birini tutur. Bu prosses 1997-ci ildə İlham Əliyevin Milli Olimpiya Komitəsinin prezidenti seçilməsindən başlanıb desək, yanılmarıq.

Azərbaycanı dünya miqyasında idman ölkəsinə çevirməyi qarşısına məqsəd qoyan Prezident İlham Əliyev bütün ölkə üzrə müasir idman infrastrukturunun yaradılması istiqamətində nəhəng quruculuq layihələrinin dəqiq planını müəyyənləşdirdi. Hazırda demək olar elə bölgəmiz yoxdur ki, orada müasir idman qurğuları olmasın. Bu gün Azərbaycanda 53 idman federasiyası, 66 idman təşkilatı, 44 olimpiya idman kompleksi, 60-dan çox idman klubu, 170 idman məktəbi fəaliyyət göstərir. Federasiyalardan 23-ü olimpiya, 36-ı qeyri olimpiya idman növünə aiddir. Bu göstərici ilə Azərbaycan Müstəqil Dövlətlər Biriliyi ölkələri arasında öndə gedir. Bütün bunlar uzun müddət aparaılan səmərəli fəaliyyətin nəticəsidir. Azərbaycanda idmanın kütləviliyinə nail olmaq üçün zəruri tədbirlər görən Prezident İlham Əliyevin idmanı çox sevməsi də mütləq vurğulanmalıdır, çünki başlıca nailiyyətlərin mərkəzində duran mühüm amillərdən biri də məhz budur. O, hər dəfə iftixarla bildirir ki, dövlət başçısı vəzifəsinə ölkənin vahid idmançılar ailəsindən gəlib. Ona görə də prezident seçildikdən sonra da Milli Olimpiya Komitəsinin rəhbəri kimi fəaliyyətini davam etdirməyi lazım bilib. Azərbaycan idmançılarının olimpiya oyunlarında uğurlarının yüksələn xətlə irəliləməsi bu sahədə aparılan işin planlı olmasının və ardıcıllığının göstəricisidir.

Azərbaycanın modern idman infrastrukturuna malik ölkə olması hər kəsin qəbul etdiyi reallıqdır. Bu fikri Bakıda nüfuzlu beynəlxalq yarışların təşkilinin ənənəyə çevrilməsi bir daha təsdiqləyir. “Odlar diyarı”mız ilk Avropa Oyunlarının, İslam Həmrəyliyi Oyunları, Dünya Şahmat Olimpiadası, Formula 1 üzrə Qran prilərin, Avropa Yay Gənclər Olimipya Festivalının ünvanı oldu. Turnirlər ən yüksək standratlara cavab verən səviyyədə keçirildi, Azərbaycan yeni standartlar müəyyənləşdirdi və bütün dünyaya göstərdi ki, sülhün və sabitliyin hökm sürüyü müstəqil, heç bir ölkədən asılı olmayan azad məkan nümunəsidir. Bu yarışlarda xalqımızın mübarizliyi ön plana çıxdı, dünya idman ictimaiyyəti həmçinin prezident İlham Əliyevin rəhbərliyi ilə irqindən, dinindən asılı olayaraq insanlarlın ölkəmizdə azad yaşamaq hüququnun qorunduğunun bir daha şahidi oldu.

Yola saldığımız 2024-cü ilin son günlərində –  dekabrın 24-də keçirilən 2024-cü ilin idman yekunlarına həsr olunan mərasimdə Azərbaycan Respublikasının Prezidenti, Milli Olimpiya Komitəsinin Prezidenti İlham Əliyevin idmançılarla görüşüb. Qeyd etmək yerinə düşərdi ki, ölkə başçısı bu görüşünü öz doğum günündə keçirib və bu da ölkəmizdə idmana olan diqqət və qayğını bir daha sübut edir.

2024-cü ilin idman yekunlarına həsr olunan görüşdə dövlət başçısı ölkə idmançılarının uğurlarından danışaraq əldə edilmiş uğurlar münasibətilə onları təbrik edib. Ölkə rəhbəri qeyd edib ki, 2024-cü il də Azərbaycan idmanı üçün uğurlu olub. Müşavirədə bildirilib ki, idmançılarımız Azərbaycan xalqını öz qələbələri ilə daim sevindirirlər. Əlbəttə ki, gələn il və ondan sonrakı illərdə idmanın inkişafı üçün nə lazımdırsa, o da ediləcək. Çünki Azərbaycan dövlətinin siyasəti bu istiqamətdə çox açıqdır, birmənalıdır və uzun illər ərzində aparılır.

İdmanın cəmiyyətimizin ayrılmaz hissəsi olduğunu qeyd edən dövlət başçısı deyib ki, xüsusilə gənc nəslin yetişdirilməsi, vətənpərvərlik hisslərinin gənc nəslə aşılanması üçün idman amili çox böyük məna daşıyır.

Prezident İlham Əliyevin beynəlxalq yarışlarda iştirak etmiş idmançıları hər dəfə qəbul etməsi, onlarla səmimi söhbətlər aparması, təmsil olunduqları federasiyalara maliyyə dəstəyinin edilməsi haqqında sərəncamlar imzalaması bir daha dövlət başçısının idmana və idmançılara olan diqqət və qayğısını nümayiş etdirir. Azərbaycan Prezidenti İlham Əliyevin dediyi kimi: “Hər dəfə beynəlxalq yarışlarda idmançılarımız qələbə qazananda əminəm ki, hər bir vətənpərvər insan qürur hissi keçirir, hər dəfə bayrağımız qaldırılanda hər birimiz sevinirik. Qələbələr xalqımıza yaraşır, həm döyüş meydanında, həm idman arenalarında. Əminəm ki, Azərbaycan idmançıları bundan sonra da beynəlxalq yarışlarda Vətənimizi ləyaqətlə təmsil edəcəklər”.

Əlişir Əliyev,

Şirvan-Salyan Regional Gənclər və İdman İdarəsinin Salyan rayonu üzrə Gənclər və İdman sektorunun baş məsləhətçisi, YAP fəalı

 

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir