Binəqədi rayon sakinləri ərazidəki bərbad halda olan yolun düzəldilməməsindən narazıdırlar.
Bu barədə Oxu.Az-a orada yaşayan vətəndaşlar bildiriblər.
Qeyd olunub ki, rayonun Binəqədi qəsəbəsi Ağamirək İsfahani küçəsi, döngə 3-də yol bərbad vəziyyətdədir:
“Bu barədə dəfələrlə Binəqədi Rayon İcra Hakimiyyətinə müraciət etsək də bizə cavab verməyiblər”.
Sakinlərin müraciəti ilə bağlı Binəqədi RİH ilə əlaqə saxladıq.
Qurumdan Oxu.Az-ın sorğusuna cavab olaraq bildirilib ki, məsələnin həll edilməsi məqsədilə RİH tərəfindən aidiyyəti quruma rəsmi müraciət edilib:
“Məlumat üçün qeyd edək ki, qəsəbəyə asfalt örtüyünün çəkilməsi Azərbaycan Avtomobil Yolları Dövlət Agentliyi tərəfindən müəyyən edilmiş tədbirlər proqramına əlavə edilib. Tədbirlər Planına uyğun olaraq, mərhələli şəkildə həyata keçiriləcək”.
www.demir-yumruq.az
