ABŞ administrasiyası gələn həftə Ukrayna Prezidenti Volodimir Zelenskiyə münaqişənin həlli ilə bağlı sazişə razılıq verməsi üçün əlavə təzyiq göstərəcək.
Modern.az xəbər verir ki, bu barədə “The Washington Post”un məqaləsində deyilir.
Məqalədə qeyd olunur ki, Zelenski “ən çətin dövrlərindən birinə” daxil olub və onu ən yaxın köməkçisi, Prezident Administrasiyasının keçmiş rəhbəri Andrey Yermakı əhatə edən korrupsiya qalmaqalı fonunda “siyasi təhlükə” izləyir.
Nəşrin qiymətləndirməsinə görə, qarşıdan gələn həftə Zelenskini ABŞ tərəfindən yeni təzyiq raundu gözləyir və Vaşinqton onun sülh razılaşmasına yaxınlaşmasını tələb edəcək.
