Bakı-Quba yolunda yol-nəqliyyat hadisəsi baş verib.
APA-nın məlumatına görə, qəza magistralın 77-ci km-də qeydə alınıb.
Siyəzən rayonu, Zarat kənd sakini 1979-cu il təvəllüdlü Hüseynov Ramin Əjdər oğlunun idarə etdiyi “VAZ-2104” markalı nəqliyyat vasitəsilə Ucar rayon sakini 1983-cü il təvəllüdlü Əliyev Sadiq Fikrət oğlunun idarə etdiyi yük maşını toqquşub.
Hadisə nəticəsində “VAZ-2104”ün sürücüsü Ramin Hüseynov, minik maşınının sərnişinləri – Siyəzən rayon sakinləri 1953-cü il təvəllüdlü Firdudin Abbasov və 1984-cü il təvəllüdlü Əli Eldarov xəsarət alıb.
Faktla bağlı araşdırmalar davam etdirilir.
www.demir-yumruq.az
