Bakıya qar yağacaq

Cəmiyyət

“Martın ikinci ongünlüyündə ölkə ərazisində qeyri-sabit hava şəraiti müşahidə olunur. Havanın temperaturu çoxillik norma göstəricilərindən iki dərəcəyə qədər aşağıdır”.

Bunu Oxu.Az-a açıqlamasında Ekologiya və Təbii Sərvətlər Nazirliyinin Milli Hidrometeorologiya Xidmətinin rəisi Umayra Tağıyeva bildirib.

Onun sözlərinə görə, yaxın günlər ərzində ölkə ərazisində qeyri-sabit hava şəraiti davam edəcək:

“Fasilələrlə yağıntı müşahidə ediləcək, küləyin arabir 15-18, bəzi rayonlarda 20-23 m/s-dək güclənəcəyi proqnozlaşdırılır”.

U.Tağıyeva qeyd edib ki, Bakıda temperatur 5-7 dərəcə intervalında dəyişəcək:

“Respublikanın dağlıq rayonlarda gecə saatlarında 10-15, gündüz isə 3-8 dərəcə şaxta müşahidə olunacaq. 

Eyni zamanda, Bakıda və Abşeron yarımadasının bəzi şimal ərazilərində martın 15-dən 16-na keçən gecə yağışın sulu qarla qarışıq formada yağması ehtimal edilir”.

İlhamə Əbülfət

www.102info.az

Spread the love

Bir cavab yazın

Sizin e-poçt ünvanınız dərc edilməyəcəkdir.