Ukraynanın Mariupol şəhərindən olan fotoqraf Yevgeni Sosnovski mühasirədə olan şəhərdə düşmənin raket və top atəşindən gizlənməyə çalışan 8 yaşlı uşağın gündəliyindən foto dərc edib.
Uşaq gözünün önündə baş verən dəhşətləri qələmə alıb. Buna baxmayaraq, qeydlərdən də göründüyü kimi, uşaq hər səhər gülümsəməyə davam edib.
Müharibə zamanı balaca Mariupol sakini babasını, nənəsini, iki itini, həmçinin sevimli şəhərini itirib. Yevgeni Sosnovskinin “Facebook” səhifəsində dərc etdiyi qeydlər şəbəkə istifadəçilərini təsirləndirib.
Mətnə əlavə olaraq, uşağın gündəliyinə əllərində silah olan əsgərlər, tanklar, vertolyotlar və dağıdılmış ev şəkilləri çəkib.
“Mənim iki itim, nənəm Qalya və sevimli Mariupol şəhərim fevralın 24-dən bütün bu müddət ərzində öldü”, – deyə uşaq qeyd edib.
Gündəlikdən də göründüyü kimi, uşaq 38 yaşlı anası və 15 yaşlı bacısı ilə birlikdə hava zərbələrindən sığınacaqlarda gizlənib. Bir gün bütün ailə yaralanıb və zədə alıb.
Uşaq böyük ad günü tortunun ətrafında ailəsini çəkərək qarşıdan gələn ad günü haqqında da yazıb.
www.102info.az
