Fransa və Almaniya Aİ xarici işlər nazirlərinin Praqada keçiriləcək iclasında Rusiya vətəndaşlarına Şengen vizalarının verilməsi qadağasına qarşı çıxacaqlar.
Bu barədə “Bloomberg” avqustun 27-də tədbirə aid yayımlanan sənədin mətninə istinadən xəbər verib.
“Biz demokratik sistemlərdə, xüsusən də gələcək nəsillər üçün şəxsi həyat təcrübəsinin dəyişdirici gücünü düzgün qiymətləndirməliyik”, – deyə sənəddə bildirilir.
Qeyd olunur ki, Berlin və Paris bəzi dövlətlərin bu məsələdə narahatlığını başa düşür, lakin hesab edirlər ki, Aİ hökumətlə əlaqəsi olmayan insanlara – tələbələrə, sənətçilərə, alim və mütəxəssislərə viza verməlidir.
www.demir-yumruq.az
