“Bugünkü istilik təchizatına görə olan tariflər aşağı olduğundan bizim “Azəriqaz” İstehsalat Birliyinə borcumuz yaranır”.
Oxu.Az-ın məlumatına görə, bunu “Azəristiliktəchizat” ASC sədrinin vəzifələrini müvəqqəti icra edən İlham Mirzəliyev keçirdiyi mətbuat konfransında bildirib.
Onun sözlərinə görə, bugünkü tariflər maya dəyərindən ən azı 8-10 dəfə aşağıdır:
“Qazın, suyun tarifləri kifayət qədər dəyişdirilsə də, istilik təchizatının tarifləri dəyişdirilməyib. İstiliklə bağlı tariflərə baxılması hazırda gündəmdə deyil”.
O qeyd edib ki, hazırda qurumun “Azəriqaz”a 14 milyon borcu var:
“Həmin borcun 6 milyon 384 minini vətəndaşlar bizə borcludurlar”.
İlhamə Əbülfət
www.102info.az
