“Atletiko” (Madrid) klubunun yarımmüdafiəçisi Koke UEFA Çempionlar Liqasının 1/8 final mərhələsinin “Mançester Yunayted”lə cavab oyununda qazanılan qələbəni (1:0) şərh edib.
30 yaşlı futbolçu turnirdə mümkün qədər irəli getmək istədiklərini söyləyib.
“1/4 finala yüksəldikdən sonra inanılmaz hisslər yaşayırıq. Eniş-yoxuşlarla dolu belə bir mövsümdə Çempionlar Liqasında mübarizəni davam etdirmək bizim üçün vacibdir. İlk görüşdə qələbəyə layiq idik, amma cavab oyununda layiq olduğumuzu əldə etmək üçün çox mübarizə apardıq”, – ispan futbolçu bildirib.
Koke “Atletiko” klubunun qapıçısının oyununu da yüksək qiymətləndirib:
“Mən hesab edirəm ki, Oblak dünyanın ən yaxşı qapıçısıdır. O, bunu bir daha sübut etdi”.
Mənbə: UEFA.com
www.102info.az
