Beynəlxalq Biatlon İttifaqı (IBU) Rusiya Biatlon İttifaqının (RBİ) və Belarus Biatlon Federasiyasının üzvlüyünü dayandırıb.
Bu barədə IBU-nun saytında bildirilib.
Məlumatda vurğulanıb ki, qərar dərc olunduğu gündən qüvvəyə minir.
RBİ qərarla razılaşmayaraq, idmançıların hüquqlarının müdafiəsi üçün məhkəməyə müraciət edəcəyini bildirib.
Xatırladaq ki, Beynəlxalq Olimpiya Komitəsinin (BOK) icraiyyə komitəsi beynəlxalq idman federasiyalarına Ukraynada vəziyyətin gərginləşməsi ilə əlaqədar Rusiya və Belarus idmançılarını yarışa buraxmamağı tövsiyə edib. Bundan sonra IBU rusiyalı biatlonçuların yarışda iştirakını dayandırıb.
Qeyd olunur ki, İBU-nun icraiyyə komitəsi vəziyyətin inkişafını izləyəcək və şərait dəyişərsə, qərara yenidən baxacaq.
Mənbə: RİA Novosti
www.102info.az
