İtaliyanın “Yuventus” futbol klubu maliyyə fırıldaqçılığına görə ölkə çempionatının yüksək divizionundan (A seriyası – red.) kənarlaşdırıla bilər.
Bu açıqlama ilə italiyalı vəkil Mattia Qrassani çıxış edib.
“Bu, “Yuventus”un öz tarixində məruz qaldığı ən ağır və ən ciddi istintaqdır, bəlkə də, 2006-cı ildəki istintaqdan daha ciddidir. “Yuventus” nəinki cərimə ilə cəzalandırılma riskini daşıyır, qanuna görə, bu, çempionatdan qovulmağa və aşağı liqaya düşməyə səbəb ola bilər”, – deyə vəkil M.Qrassani vurğulayıb.
Noyabrın 29-da “Yuventus”un direktorlar şurasının əksəriyyəti, o cümlədən prezident Andrea Anelli və vitse-prezident Pavel Nedved istefa vermək qərarına gəliblər.
Dekabrın 1-də Turin prokurorluğu Annellinin məhkəməyə verilməsi üçün çağırış vərəqəsi hazırlayıb.
O və digər liderlər “Yuventus”un maliyyə idarəçiliyində pozuntularda şübhəli bilinirlər.
İstintaq xüsusilə, 2018-2021-ci illərdə “Yuventus”da oynamış portuqaliyalı hücumçu Kriştianu Ronaldu da daxil olmaqla, səhv maliyyə məlumatlarının təqdim edilməsi, fırıldaqçılıq və şişirdilmiş oyunçu alışı məbləğləri ilə bağlı olub.
Mənbə: Repubblica
