Arvadını öldürən şəxsə 18 il həbs verildi: Hökmdən narazı qalıb apellyasiya məhkəməsinə şikayət etdi

Kriminal

Masallıda qətl törətməkdə təqsirləndirilən Rövşən Orucova hökm oxunub və o, 18 il müddətinə azadlıqdan məhrum edilib.

“Report”un xəbərinə görə, bu barədə hökm Lənkəran Ağır Cinayətlər Məhkəməsinin hakimi Əli Əliyevin sədrliyi ilə keçirilən prosesdə elan olunub.

Hökmdən narazı qalan məhkum apellyasiya şikayəti verib. Hazırda şikayət Şirvan Apellyasiya Məhkəməsində araşdırılır.

Qeyd edək ki, hadisə 2021-ci il mayın 29-da Masallı rayonu ərazisində qeydə alınıb.

Belə ki, R.Orucov həyat yoldaşı Ruhiyyə Şükürovanı aralarında ailə-məişət zəminində baş verən mübahisə zamanı üzərində olan bıçaqla çoxsaylı zərbələr vuraraq öldürüb.

O, təqsirləndirilən şəxs qismində istintaqa cəlb olunaraq barəsində həbs qətimkan tədbiri seçilib.

R.Orucovun barəsində Cinayət Məcəlləsinin 120.2.4-cü (Qəsdən adam öldürmə, xüsusi amansızlıqla və ya ümumi təhlükəli üsulla adam öldürmə) maddəsi ilə ittiham irəli sürülüb.

www.102info.az

Spread the love

Bir cavab yazın

Sizin e-poçt ünvanınız dərc edilməyəcəkdir.