Həyatda qol gücünə ehtiyac yoxdur. Çünki sözlə hər şeyi həll etmək olar.
Bunu Baku TV-də yayımlanan “O kimdir?” verilişində qonaq olan dünya və Avropa çempionu Hacı Əliyev deyib.
Sərbəst güləşçi valideynlərinin onun güləşə gəlməsində böyük rolu olduğunu qeyd edib.
“8 yaşımda güləşə görə Bakıya köçdük. Uzun illər kirayədə qalmalı olmuşuq. Bu illərdə valideynlərim də mənimlə birlikdə əziyyət çəkib”, – deyə o əlavə edib.
H. Əliyev məğlub olarkən yaşadığı hisslərdən, Olimpiya Oyunlarından öncə gözündən aldığı zədəyə görə keçirdiyi əməliyyatdan, musiqiyə olan həvəsindən də bəhs edib.
www.102info.az
