Bakı. Trend:
“Monako”nun yarımmüdafiəçisi Pol Poqba uzun fasilədən sonra ilk
oyununa çıxıb.
Trend-in
məlumatına görə, futbolçu Fransa Liqasının 13-cü turunda “Renn”ə
qarşı keçirilən matçın (1:4) 85-ci dəqiqəsində Mamadu Koulibalini
əvəz edib.
Xatırladaq ki, Poqba 2024-cü ilin fevralında antidopinq
qaydalarını pozduğu üçün dörd il müddətinə futboldan
kənarlaşdırılmışdı. Lakin oktyabr ayında İdman Arbitraj Məhkəməsi
bu cəzanı 18 aya endirdi.
<!—->
<!––>
32 yaşlı yarımmüdafiəçi iyun ayında “Monako” ilə müqavilə
imzalayıb. O, son dəfə 3 sentyabr 2023-cü ildə “Yuventus”un
heyətində rəsmi oyuna çıxmışdı.
Poqba 2018-ci il Dünya çempionatının qalibi və 2016-cı il Avropa
çempionatının gümüş mükafatçısıdır.
