“Səbuhi çox sakit ağıllı uşaq idi. İnana bilmirəm ki, balam daha yanımızda yoxdur”.
Oxu.Az xəbər verir ki, bu sözləri SOS uşaq kəndində Səbuhi Əhmədovun təlim-tərbiyəçisi olan Məlahət Qazıyeva deyib.
M.Qazıyevanın sözlərinə görə, Səbuhi və qardaşına 2-ci sinifdə oxuyandan o baxıb:
“Çox sakit, tərbiyəli uşaq idi. Sözümdən çıxmazdı. Bizim uşaqlar həmişə bir-biri ilə doğma bacı-qardaş kimi olublar. Eşidəndə ki, Səbuhi şəhid olub, hamısı bir olub gəldilər. Mənim üçün danışmaq çox ağırdır, bağışlayın. Səbuhinin yazdığı məktublar hələ də qalır, onları qoruyub saxlayacam”.
Könül Cəfərli
