Britaniyalı müğənni Elton Con “Roblox” oyununda öz virtual dünyasını yaradıb
Sənətçi “Beyond the Yellow Brick Road” adlı rəqəmsal dünyasını təqdim edib. Buraya Elton Conun hitlərinə əsaslanan interaktiv tapşırıqlar və viktorina daxildir. Oyunda həmçinin müğənninin obrazlarından ilhamlanan geyimlər kolleksiyası da var. Fanatlar öz avatarlarında həmin geyimləri və Elton Conun qarderobundan fərdi əşyaları sınaya biləcəklər.
Virtual aləmdə həmçinin sənətçinin sevimli bəstələrindən ibarət 10 dəqiqəlik konserti də keçiriləcək. Tamaşa noyabrın 17-də baş tutacaq və noyabrın 20-dək hər saatdan bir təkrarlanacaq.
Mənbə: gazeta.ru
