Yaponiyanın şimalında göyərtəsində 26 nəfərin olduğu “Kazu 1” kruiz gəmisinin yoxa çıxmasından bir gün sonra 10 nəfərin cəsədi tapılıb.
Yaponiyanın baş naziri Fumio Kişida hadisə ilə əlaqədar cənub-qərb prefekturalarına səfərini yarımçıq qoyub və Tokioya qayıdıb.
Ümumilikdə gəmidə iki uşaq, həmçinin kapitan və dənizçi də daxil olmaqla 26 nəfər olub.
Axtarış-xilasetmə əməliyyatı davam edir.
Qeyd edək ki, aprelin 23-də “Kazu 1” kruiz gəmisi Yaponiyanın şimalında qəza siqnalı verib. Bütün ekipaj üzvləri və sərnişinlər xilasedici jilet geyiniblər. Hadisə yerinə patrul katerləri və təyyarə göndərilib.
İnsidentin səbəbləri açıqlanmayıb.
Mənbə: lenta.ru
www.102info.az
