“2020-cı ildə INSME təşkilatına üzv olduq”.
Oxu.Az xəbər verir ki, bunu KOBİA və Kiçik və Orta Müəssisələr üçün Beynəlxalq Şəbəkənin (INSME) təşkilatçılığı ilə “KOB-ların gücləndirilməsi: İqtisadi diversifikasiya və yaşıl inkişaf” mövzusunda İNSME-nin 18-ci İllik Toplantısında Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov deyib.
Onun sözlərinə görə, əsas məqam yerli sahibkarların beynəlxalq əlaqələrinin olmasıdır:
“INSME beynəlxalq şəbəkədir. 70-ə yaxın üzvü var. Hazırda 30 nümayəndə təmsil olunur. Bu gün imkan yarandı ki, bizim sahibkarlar beynəlxalq təşkilatlarla ünsiyyətdə olsunlar”.
O.Məmmədov qeyd edib ki, KOBİA xarici sərmayədarlara xüsusi dəstək göstərir:
“Beş ildir ki, fəaliyyət göstəririk. Biz öz platformamızı KOB-ların inkişaf mərkəzinə çevirmişik. KOB-ları dəstəkləməyə çalışırıq”.
Nəzrin Vahid
