Rusiyanın İrkutsk vilayətində iki təyyarə təcili eniş edib. Onlardan birinin eniş zamanı qanadının bir hissəsi qopub.
Hər iki hadisə avqustun 17-də baş verib.
Sərnişin təyyarələrinin “Anqara” aviaşirkətinə məxsus olduğu bildirilir.
Məlumata görə, Ust-Kutda eniş edən “An-24”ün qanadı yerə toxunduğu üçün zədələnib. Bundan əvvəl göyərtə mühərrikinin enerji təchizatında problemlər yaranıbmış. Təyyarədə ümumilikdə dörd heyət üzvü və 40 sərnişin olub. Zərərçəkən yoxdur.
Digər “An-24” isə havaya qalxdıqdan 35 dəqiqə sonra İrkutska qayıdıb. Onun göyərtəsində 45 sərnişin olub. Uçuşdan sonra hava gəmisinin sol mühərrikində nasazlıq yaranıb. Təyyarə uğurlu eniş edib, burada da zərərçəkən yoxdur.
Mənbə: TASS, “Babr Mash” “Telegram” kanalı
www.demir-yumruq.az
