Almaniya Bundesliqasında 14-cu turun oyunları keçirilir.
Turnir cədvəlində ilk pillədə qərarlaşan “Bavariya” bu dəfə asan qələbə qazanıb.
Münhenlilər ev matçında “Verder”i darmadağın ediblər. Qonaqlar buraxdıqları 6 topun cavabında yalnız bir dəfə fərqlənməyi bacarıblar. Bremen komandasının gücü bundan artığına çatmayıb.
Beləliklə də, “Bavariya” 3 xalı rahatlıqla qazanaraq liderliyini qoruyub – 6:1.
Oyunda diqqətçəkən məqam Münhen klubu və Seneqal millisinin hücumçusu Sadio Manenin zədələnməsi olub. Dünya Çempionatı ərəfəsində futbolçunun zədəsinin nə qədər ciddi olması hələ ki, məlum deyil.
