Hazırda Ukraynada səfərdə olan Almaniya kansleri Olaf Şolts Kiyevdə Prezident Volodimir Zelenski ilə görüşdən sonra ilk açıqlamalarla çıxış edib.
Almaniyalı siyasətçi bəyan edib ki, ölkəsi Ukraynanın ehtiyacı olduğu müddətcə Kiyevə silah göndərməkdə davam edəcək.
Olaf Şolts Ukraynanın Almaniyanın hava hücumundan müdafiə sistemləri ilə təchiz olunacağına da söz verib.
Almaniya kansleri söyləyib ki, ölkəsi ABŞ və Böyük Britaniya ilə birgə Ukraynaya Reaktiv Yaylım Atəş Sistemlərinin tədarükü ilə bağlı məsələdə razılığa gəlib.
O. Şolts mətbuata açıqlamasında Almaniyanın Rusiya Federasiyasına qarşı enerji blokadasına qoşulub-qoşulmayacağına bağlı məqama isə toxunmayıb.
Mənbə: Segodnya
www.demir-yumruq.az
