Tanzaniyanın “Precision Air” aviaşirkətinin sərnişin təyyarəsi Viktoriya gölünə düşüb.
Bildirilir ki, təyyarədə 53 nəfər olub (49 sərnişin və 4 ekipaj üzvü).
Təyyarə Tanzaniyanın inzibati mərkəzi olan Dar əs-Salam şəhərindən Afrika ölkəsinin digər şəhəri Mvanzaya uçub.
İlkin məlumata görə, qəzaya fırtına və güclü yağış səbəb olub.
Axtarış-xilasetmə əməliyyatı davam edir.
Sərnişinlərin xeyli hissəsi artıq xilas edilib. Bununla yanaşı, 19 nəfərin öldüyü təsdiqlənib.
Mənbə: TRT
