Rusiya Prezidentinin mətbuat katibi Dmitri Peskov Ermənistanın Milli Təhlükəsizlik Şurasının katibi Armen Qriqoryanı təxribatçı adlandırıb.
“Bu bəyanat həqiqətə uyğun olmayan təxribat sayıla bilər”, – Kreml sözçüsü vurğulayıb.
Onun sözlərinə görə, A.Qriqoryanın fikirləri həqiqətə uyğun deyil:
“Rusiyanın rəsmi şəxslərindən heç kim heç bir vasitə ilə Ermənistan tərəfə bu barədə bir söz deməyib”.
Xatırladaq ki, A.Qriqoryan Rusiyanın Ermənistanın strateji müttəfiqi olduğunu bildirib. O daha sonra əlavə edib ki, Rusiya Ermənistanı öz suveren ərazisindən Azərbaycana dəhliz verməyə və yaranmaqda olan Rusiya-Belarus ittifaq dövlətinə qoşulmağa məcbur edir.
Mənbə: news.am
