Kişi həndbolçulardan ibarət Azərbaycan millisinə iranlı baş məşqçi təyin olunacaq.
“Report”un əldə etdiyi məlumata görə, yığma Nasser Salimiyə tapşırılacaq.
Mütəxəssis komandanı Türkiyənin Konya şəhərində keçiriləcək V İslam Həmrəyliyi Oyunlarına hazırlaşdıracaq. Bir müddət əvvəl Bakıda olan baş məşqçi idmançılarla və şəraitlə tanış olub. Mayın 1-də onunla müqavilə imzalanacağı gözlənilir.
Qeyd edək ki, Azərbaycan həndbol millisinin baş məşqçisi Hikmət Abdullayev 2019-cu ildə ürəktutmasından vəfat etmişdi. V İslam Həmrəyliyi Oyunları 9-18 avqustda keçiriləcək.
www.102info.az
