İspaniya La Liqasında 12 turun oyunları davam edir.
“Santyaqo Bernabeu”da turnir cədvəlində sondan ikinci olan “Jirona”nı qəbul edən Madrid “Real”ı gözləntilərin əksinə olaraq rəqibi ilə bacara bilməyib – 1:1.
Oyunun son dəqiqələrində madridlilərin qələbə qolu ofsayd səbəbindən hesaba alınmayıb. Bu azmış kimi, iki dəqiqə sonra Kroos qırmızı vərəqə alaraq meydandan kənarlaşdırılıb.
Buna baxmayaraq komandaya ilk pilləyə qayıtmaq üçün 1 xal da kifayət edib.
Qeyd edək ki, kral klubu “Barselona”nın dünənki qələbəsindən sonra müvəqqəti olaraq ikinci pilləyə düşmüşdü. Bu nəticədən sonra əzəli rəqiblər arasındakı fərq 1 xala qədər azalıb.